მე-5 პოლონური კინოფესტივალი "ვისლა" საქართველოში!

ძვირფასო მაყურებლებო,
მოხარულნი ვართ გაცნობოთ, რომ პოლონური კინოფესტივალი "ვისლა" საქართველოში მეხუთედ ტარდება. ჩვენთვის დიდი პატივია, რომ 29 სექტემბრიდან 1 ოქტომბრის ჩათვლით, კინოთეატრ „საქართველოში“, ჯადოსნურ ქუთაისში, პოლონური კინოს მოყვარულებს ვმასპინძლობთ.
ჩვენ ვამაყობთ ფილმებით, რომელიც ჩავრთეთ წლევანდელ პროგრამაში. ეს სამი დღე იქნება სავსე კინომაგიით, ემოციებითა და მომხიბლავი ისტორიებით. ჩვენ გვინდოდა კინოს მრავალფეროვნებასთან დაახლოება, ამიტომ მოვამზადეთ ფილმების მართლაც უნიკალური არჩევანი. წარმოგიდგენთ ზოგიერთ მათგანს.
ანა იადოვსკას "ქალი სახურავზე" - დამაინტრიგებელი დრამა, რომელიც ქართველ მაყურებელს მირას სამყაროში გადაიყვანს, რომელიც ბანკის ძარცვას ჩაიდენს. მისი დაძაბულობითა და მოულოდნელი გადახვევებით სავსე ისტორია მოგხიბლავთ პირველივე მომენტიდან.
იაცეკ ბლავუტის "არწივი - უკანასკნელი პატრული" შესანიშნავი საომარი დრამაა, რომელიც მაყურებელს 1940 წელს ჩრდილოეთის ზღვის არეულ წყლებში გადაანაცვლებს. პოლონურ წყალქვეშა ნავს „არწივი" ემუქრება როგორც მტერი, ასევე თავად ზღვა. სიმამაცე, მონდომება და გადარჩენისთვის ბრძოლა ფილმის ძირითადი მოტივია.
ლეხ მაიევსკის "ბრიჯიტ ბარდო სასწაულებრივი" ქართველ მაყურებელს პოლონეთის სახალხო რესპუბლიკის სამყაროში გადაანაცვლებს, სადაც მთავარი გმირის ბედი დაკარგული მამის იდუმალ ბარათებს და უშიშროების სამსახურის თანამშრომლებს უკავშირდება.
ალექსანდრე პიეტჟაკის "შავი ცხვარი" არის კომედია-დრამა, რომელიც მოგვითხრობს მაგდასა და არკადიუშზე, მათ შვილზე ტომეკზე და მის შეყვარებულ ასიაზე, ერთი შეხედვით ჩვეულებრივ ოჯახზე, რომლის წევრთა ცხოვრება ბევრ საიდუმლოს მალავს. ეს არის ფილმი გამბედაობისა და ბედნიერების პოვნაზე, ყოველგვარი წინააღმდეგობის მიუხედავად.
იეჟი სკოლიმოვსკის „იო“ არაჩვეულებრივი დრამაა, რომელმაც აღიარება საერთაშორისო ფესტივალებზე მოიპოვა. ის მოგვითხრობს ვირის შესახებ, სახელად იო, რომელიც გაივლის მრავალ განსაცდელს და ხვდება სხვადასხვა პერსონაჟებს, ავლენს ადამიანების როგორც კარგ, ასევე ცუდ მხარეებს.

ყველა ეს ფილმი სპეციალურად ქართველი მაყურებლისთვის შევირჩიეთ. "ვისლას" ფესტივალი არა მხოლოდ კინოს ეხება, ის ასევე არის შესაძლებლობა შეხვდეთ, განიხილოთ და გაუზიაროთ კინოსადმი გატაცება სხვა კინოს მოყვარულებს. ქვეყნები, სადაც საქართველოს შემდეგ გავემგზავრებით: ბოსნია და ჰერცეგოვინა და ჩრდილოეთ მაკედონიაა. მოგიწოდებთ თვალი ადევნოთ ჩვენს ვებგვერდს www.festiwalwisla.pl და ჩვენს პროფილებს ფეისბუქზე (Polish Film Festival "Vistula"/ Festiwal "Wisła") და ინსტაგრამზე (vistula_festival), სადაც ნახავთ უახლეს ინფორმაციას ფესტივალის შესახებ.